每日睇新聞都好憤怒。
返黎嘅留學生繼續 care-free 出街，
無無聊聊唔禁食肆禁酒精。
衛生署出名有條599章，一開始提都唔想提，將個波射去創科局。香港政府嘅 IT，你唔好話人唐鳳，連 HKOI 都不如，整埋啲咩手帶，又剪得又剩。比人講得耐先開始搬 599 出黎，然後再隔多三萬年先開始話執行、話檢控。林太可能好打得，但佢班手足傳波傳到完場加時十二碼先唸起要入波呢。哽咽埋，咁咪多左囉。
醫學院考試。當初正值大家叫緊停課封關，如果當時如期舉行，你估下大家反應如何？而家考，咁樣都叫如期，咁政府都如期封關啦。你話當時應唔應該延期係一件事，而家真係有需要考，你就要唸方法點樣可以考得黎將風險減低。
臨近大考，「社會幾需要醫護」呢啲都唔再講，一直拖落去，應屆考生嘅壓力真係會大到崩潰。我識嘅裏面，個個都想快啲考。
由飯堂提供，唔比出街、唔比外賣，請問你地覺得仲可以有咩方法可以比呢班考生去考試？法例規定，考左試先做得實習，大學無權話事，無新一批醫護對個系統有幾大影響？延期鬧、唔延期鬧、考鬧、唔考鬧，唸清楚先好無？
你去鬧人係一個 controlled setting 用饍，跟住自己繼續出街、行山，而家郊外仲多人過市區，仲要除哂口罩，係咪覺得長州空氣經過消毒？
Stay home for me 我講唔出，一黎呢份係我嘅工作，二黎其實同你三唔識七我唔覺「我」有幾重要。
Just stay at your bloody home,
To prove that you still have a bloody brain.
#DrWhoHK
Search